ނެވިލެކްސްގެ އެއްވެސް ލިޔުމެއް ހިލޭ ދޫކުރާނަންތަ؟
ނެވިލެކްސްގެ ބައެއް ލިޔުންތަކަކީ އެއްވެސް އަގަކާ ނުލާ ދޫކުރަން ނިންމާފައިވާ ލިޔުންތަކެއް. "ޤާނޫނުއަސާސީ" އަކީ މިފަދައިން ދޫކޮށްފައިވާ އެއް ލިޔުން.
ދަރިވަރުންނަށް ޚާއްޞަ ޕެކޭޖުތަކުގެ އަގުތަކަކީ ކޮބާ؟
ހުރިހައި ޕެކޭޖެއްގެ އަގު ހެޔޮ ކުރުމަށްފަހު، ދަރިވަރުންނަށް ޚާއްޞަ ޕެކޭޖުތައް 20 އޭޕްރިލް 2021 ގައިވަނީ ހުއްޓާލާފައި.
ނެވިލެކްސްގައި ރަޖިސްޓަރ ނުވެ، ނެވިލެކްސްގައި ޝާއިޢުކޮށްފައިވާ ޤާނޫނުތަކުގެ ލިސްޓު ބެލިދާނެތަ؟
ބެލޭނެ. "ޤާނޫނު" ޞަފްޙާ ހުޅުވުމަށްފަހު "ހުރިހައި ޤާނޫނެއް އެއްޞަފްޙާއަކުން ބެލުމަށް" މި ލިންކަށް ފިތުމުން ޤާނޫނުތަކުގެ ލިސްޓު ފެންނާނެ.
ނެވިލެކްސްގައި ހުރިހައި ޤާނޫނަކާއި ހުރިހައި ޙުކުމެއް ހިމެނޭނެތަ؟ ނުވަތަ ހިމަނަން ވިސްނަންތަ؟
ނެވިލެކްސް ލޯންޗުކޮށްފައިވާނީ 106 ޤާނޫނާއެކު. ކުރިއަށް އޮތް މަހެއްހައި ދުވަހުގެ ތެރޭގައި ހުރިހައި ޤާނޫނެއް ޝާއިޢުކޮށް ނިމޭނެ. ކޮންސޮލިޑޭޓުކުރުމުގެ މަސައްކަތް މިހާރުވެސް ވަނީ ނިމިފައި. މިހާރު ކުރިއަށް ދަނީ އިތުރަށް ޗެކުކުރުމުގެ މަސައްކަތް.
ނެވިލެކްސް ލޯންޗުކޮށްފައިވާނީ 78 ޤަޟިއްޔާއާއެކު. އަޅުގަނޑުމެންގެ ދިގުމުއްދަތުގެ އަމާޒަކީ ކޯޓުތަކުގެ ވެބްސައިޓުތަކުގައި ޝާއިޢުކޮށްފައިވާ ހުރިހައި ޙުކުމެއްހެން ނެވިލެކްސްގައި ހިމެނުން. ކުރުމުއްދަތުގެ އަމާޒަކީ ސުޕްރީމް ކޯޓާއި ހައިކޯޓުގެ ހުރިހައި ނިންމުމެއް ޝާއިޢުކުރުން.
ނެވިލެކްސްގެ ސިސްޓަމް ރިކުއަމަންޓްތަކަކީ ކޮބާ؟
ނެވިލެކްސް ބޭނުންކުރެވޭނީ އަންނަނިވި އޮޕަރޭޓިންގް ސިސްޓަމްތަކުން:
- ވިންޑޯޒް 95، 98، 2000، ވިސްޓާ، އެކްސް.ޕީ، 7 އަދި 10.
- މެކް އޯ.އެސް 8.5 އަދި އޭގެ ފަހުގެ ވަރޝަންތައް.
- 800 × 600 ނުވަތަ އެއަށްވުރެ މަތީ ސްކްރީން ރިޒޮލޫޝަން.
މޯބައިލް ފޯނުންވެސް ނެވިލެކްސަށް އެކްސެސް ކުރެވިދާނެ. އެހެނަސް، އެންމެ ފުރިަހަމައަށް މަސައްކަތްކުރާނެކަމުގެ ޔަޤީންކަމެއް ނުދެވޭނެ.
ބައެއް ލިޔުންތަކުގައި "(*2)" މިފަދައިން ނަންބަރުތަކެއް ލިޔެފައި އެބަ ހުރި. މިއިން ރަމްޒުކޮށްދެނީ ކޯޗެއް؟
މިއީ "ސްޓަރ ޕޭޖިނޭޝަން". "(*2)" އިން ރަމްޒުކޮށްދެނީ އަސްލު ލިޔުމުގެ ދެވަނަ ޞަފްޙާ ފެށޭ ހިސާބު.
ނެވިލެކްސްގެ އެކި އެކި ލިޔުންތަކުގައި އެކި ނިޝާން އެބަ ހުރި. ނެވިލެކްސްގައި ބޭނުންކޮށްފައިވާ ނިޝާންތަކަކީ ކޮބާ؟ އަދި މިނިޝާންތަކުން ރަމްޒުކޮށްދެނީ ކޯޗެއް؟
ޝަރުޢީ ނިންމުންތަކުގައި ބޭނުންކޮށްފައިވާ ނިޝާންތައް:
ދިވެހިރާއްޖޭގެ ހައިކޯޓުން ނުވަތަ ދިވެހިރާއްޖޭގެ ސުޕްރީމް ކޯޓުން ޙުކުމުގެ މައިގަނޑު ބައިތަކުގައި މިނިންމުމަށް ޙަވާާލާދީފައެއް ނުވޭ.
ދިވެހިރާއްޖޭގެ ހައިކޯޓުން ނުވަތަ ދިވެހިރާއްޖޭގެ ސުޕްރީމް ކޯޓުން މިނިންމުމަށް ޙަވާލާދީފައިވާއިރު، މިނިންމުމުގެ ޞައްޙަކަމާމެދު ސުވާލު އުފައްދާފައެއް ނުވޭ.
ދިވެހިރާއްޖޭގެ ހައިކޯޓުން ނުވަތަ ދިވެހިރާއްޖޭގެ ސުޕްރީމް ކޯޓުން މިނިންމުމަށް ޙަވާލާދީ، މިނިންމުމަކީ ރަނގަޅު ނިންމުންމެއް ނޫންކަމަށް ކަނޑައަޅާފައިވޭ.
ދިވެހިރާއްޖޭގެ ހައިކޯޓުން ނުވަތަ ދިވެހިރާއްޖޭގެ ސުޕްރީމް ކޯޓުން މިނިންމުމަށް ޙަވާލާދީ، ތަފާތު ގޮތްގޮތަށް ވާހަކަދައްކާފައިވޭ.
ޤާނޫނުތަކުގައި ބޭނުންކޮށްފައިވާ ނިޝާންތައް.
މިޤާނޫނު ފާސްކޮށް ތަޞްދީޤުކޮށްފައިވީނަމަވެސް، މިޤާނޫނަށް ޢަމަލުކުރާކަށް ނުފަށާ.
މިޤާނޫނަކީ ޢަމަލުކުރަމުންދާ ޤާނޫނެއް.
މިޤާނޫނަކީ ޢަމަލުކުރަމުންދާ ޤާނޫނެއްނޫން.
މިޤާނޫނަކީ ޢަމަލުކުރަމުންދާ ޤާނޫނެއްކަމާމެދު ސުވާލުއުފެދޭ.
އަޅުގަނޑުގެ ޔޫޒަރނޭމް ނުވަތަ ޕާސްވޯޑު ހަނދާން ނެތިއްޖެ. ދެން ހަދާނީ ކިހިނެއް؟
ޔޫޒަރނޭމް ނުވަތަ ޕާސްވޯޑު ހަނދާން ނެތިއްޖެނަމަ، ލޮގިން ފޯމުގެ ތިރީގައިވާ "ޕާސްވޯޑު ހަނދާނެއް ނެތް" މި ލިންކަށް ފިތާލުމުން ހުޅުވޭ ފޯމުގައިވާ މަޢުލޫމާތު ފުރާލާ. އިތުރު އެހީ ބޭނުންވެއްޖެނަމަ، admin@nevilex.com އަށް އީމެއިލް ކުރޭ.