ކީވަރޑްސް: ރައީސުލްޖުމްހޫރިއްޔާއަކު އިންތިޚާބުކުރުމުގައި ދިމާވާކަމަކާމެދު ޚިލާފު އުފެދުން – ޤާނޫނު ނުވަތަ ޤާނޫނަކުން ބައެއް ޤާނޫނުއަސާސީއާ ޚިލާފުވޭތޯ ބެލުން - ރައްޔިތުންގެ މަޖިލީހުން އެއްވެސްކަމެއް ހިނގިގޮތުގެ ޞައްޙަކަން ބެލުން – ޤާނޫނުއަސާސީގެ 143 ވަނަ މާއްދާގެ (ހ) – ޤާނޫނުއަސާސީގެ 88 ވަނަ މާއްދާގެ (ށ) – ރައްޔިތުންގެ މަޖިލީހުން ފާސްކުރާ ޤާނޫނެއް ނުވަތަ ޤާނޫނަކުން ބައެއްވިޔަސް ޤާނޫނުއަސާސީއާ ޚިލާފުވޭތޯ ބެލުމާއި އެފަދަ މައްސަލަތަކުގައި ގޮތެއް ނިންމުމުގެ ބާރު ލިބިގެންވަނީ ހައިކޯޓަށާއި ސުޕްރީމްކޯޓަށްކަމަށް ޤާނޫނުއަސާސީގެ 143 ވަނަ މާއްދާގެ (ހ) ގައި ބަޔާންކޮށްފައިވާތީ ދެ މަރުޙަލާގެ ކޯޓަކަށް އިޚްތިޞާޞް ލިބިގެންވާކަމެއް ފުރަތަމަ ބަލަންޖެހޭނީ ސުޕްރީމްކޯޓުން ނޫންކަން – ޤާނޫނުއަސާސީގައި އެހެންގޮތަކަށް ބަޔާންކޮށްފައި ނުވާހާ ހިނދަކު ރައްޔިތުންގެ މަޖިލީހުން އެއްވެސްކަމެއް ހިނގިގޮތުގެ ސައްޙަކަން ބެލުމަށްޓަކައި އެއްވެސް ކޯޓަކަށް މައްސަލައެއް ހުށަނެޅޭނެކަމަށް ޤާނޫނުއަސާސީގެ 88 ވަނަ މާއްދާގެ (ށ) ގައި ބަޔާންކޮށްފައި އޮތުމުން ރައްޔިތުންގެ މަޖިލީހުން ޤާނޫނެއް ފާސްކުރުމަކީ އެ މަޖިލީހަށް ދަޢުވާލިބޭ ގޮތަށް ދަޢުވާކުރެވޭނެކަމެއް ނޫންކަން.