ޕްރެކްޓިސް ޑައިރެކްޝަންސް

SCPD-01/2021

ދިވެހިރާއްޖޭގެ ސުޕްރީމް ކޯޓު

މާލެ، ދިވެހިރާއްޖެ

ސުޕްރީމް ކޯޓުގެ ޤަޟިއްޔާތަކަށް ސައިޓޭޝަން ނަންބަރު ދިނުން

2021 ވަނަ އަހަރުން ފެށިގެން ސުޕްރީމް ކޯޓުގައި ޤަޟިއްޔާއެއްގެ ގޮތުގައި ރަޖިސްޓްރީކުރެވޭ މައްސަލަތަކަށް ދެވޭ ޤަޟިއްޔާ ނަންބަރު (Docket Number) ގެ އިތުރުން، އެ މައްސަލަ ނިންމައި ޙުކުމްކުރާ ތަރުތީބުން އެ މައްސަލައަށް ސައިޓޭޝަން ނަންބަރު ދިނުމަށްވަނީ ހަމަޖެހިފައެވެ.

މިގޮތަށް ހަމަޖެހުމާ ގުޅިގެން، ޤާނޫނީ ލިޔުންތަކުގައި ނުވަތަ ހުށަހެޅޭ މައްސަލަތަކާ ގުޅިގެން، ސުޕްރީމް ކޯޓުން ސައިޓޭޝަން ނަންބަރު ދީފައިވާ މައްސަލައަކަށް ހަވާލާދޭނަމަ، އެ މައްސަލައަށް ދެވިފައިވާ ސައިޓޭޝަން ނަންބަރު އެ ޤަޟިއްޔާގެ ނަމުގެ ފަހަތަށް ހިމަނަންވާނެއެވެ.

މައްސަލައިގެ ސައިޓޭޝަން ނަންބަރު ބޭނުންކުރާނެ ގޮތުގެ މިސާލު:

(މައްސަލަ ހުށަހަޅާ ފަރާތުގެ ނަން) ވ. (މައްސަލަ ރައްދުވާ ފަރާތުގެ ނަން)

 

[2021] SC 01

20 ޖުމާދުލްއޫލާ 1442 
04 ޖަނަވަރީ 2021

އަޙްމަދު މުޢުތަޞިމް ޢަދުނާން 

ދިވެހިރާއްޖޭގެ އުއްތަމަ ފަނޑިޔާރު

ޝަރުޢީ ކޯޓުތައް