ދިވެހިރާއްޖޭގެ ސުޕްރީމް ކޯޓު
މާލެ، ދިވެހިރާއްޖެ
ނިންމުންތަކުގައި ސޮއިކުރުން
ފަނޑިޔާރުކަމުން ވަކިވުމާ ގުޅިގެން ނުވަތަ ފަނޑިޔާރުކަމުން ސަސްޕެންޑްކުރުމާ ގުޅިގެން ނުވަތަ ފަނޑިޔާރަކު ނިޔާވުމާގުޅިގެން ނުވަތަ އެނޫންވެސް ސަބަބަކާހުރެ ފަނޑިޔާރަކު ބަލަމުންދާ ނުވަތަ ބަލައި ނިމިފައިވާ މައްސަލަތަކުގެ ޙުކުމްތަކާއި އެހެނިހެން ލިޔެކިޔުންތަކުގައި ސޮއިނުކުރެވި ހުންނަ ހާލަތު ދިމާވަމުންދާކަން ފާހަގަކުރެވި އެކަމުގެ ޝަކުވާ ލިބެމުންދާތީ، އެކަންކަމަށް ރިޢާޔަތްކޮށް ކޯޓުން ނިންމާ މައްސަލަތަކުގައި އަންނަނިވި ގޮތުގެމަތިން އަމަލުކުރަމުން ގެންދާގޮތަށް ހަމަޖައްސައިފީމެވެ.
- [ކޮންމެ ކޯޓަކުންވެސް ބަލައި ނިންމާ މައްސަލައެއްގައި ޙުކުމް އިއްވާ ދުވަހު، އެ މައްސަލައިގެ ޙުކުމަށް ވާޞިލުވި ސަބަބާއި ޙުކުމް ހިމެނޭގޮތަށް ތައްޔާރުކޮށްފައިވާ "ޝަރީޢަތް ނިމުނު ގޮތް" (ޖަޖްމެންޓް) ގެ އަޞްލެއް އެ މައްސަލަ ބެލި ފަނޑިޔާރު ނުވަތަ ފަނޑިޔާރުންގެ ސޮޔާއެކު، އެ މައްސަލައިގައި ހިމެނޭ ކޮންމެ ފަރާތަކަށްވެސް ޙަވާލުކުރަންވާނެއެވެ. އަދި ޖަޖްމެންޓުގެ އަޞްލެއް ހަމަ އެދުވަހު މައްސަލައިގެ ލިޔެކިޔުންތަކާއެކު ފައިލްކުރަންވާނެއެވެ.]1ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޫބަރު 2021ގައި އިޞްލާޙުކޮށްފައި. އޭގެ ކުރިން މި ނަންބަރުގައިވަނީ އަންނަނިވިހެންނެވެ: "21 މާރިޗު 2010 ގައި ސުޕްރީމް ކޯޓުން ނެރެފައިވާ ނަންބަރު 2010/4 ޢާއްމު ސިޓީގައިވާ ފަދައިން، ކޮންމެ ކޯޓަކުންވެސް ބަލައި ނިންމާ މައްސަލައެއްގައި ޙުކުމް އިއްވާ ދުވަހު، އެ މައްސަލައިގެ ޙުކުމަށް ވާސިލުވި ސަބަބާއި ޙުކުމް ހިމެނޭ ގޮތަށް ތައްޔާރުކޮށްފައިވާ "ޝަރީޢަތް ނިމުނު ގޮތް" (ޖަޖްމެންޓް) ގެ އަޞްލެއް އެ މައްސަލަ ބެލި ފަނޑިޔާރު ނުވަތަ ފަނޑިޔާރުންގެ ސޮޔާއެކު، އެ މައްސަލައިގައި ހިމެނޭ ކޮންމެ ފަރާތަކަށްވެސް ޙަވާލުކުރަންވާނެއެވެ. އަދި ޖަޖްމެންޓުގެ އަޞްލެއް ހަމަ އެދުވަހު މައްސަލައިގެ ލިޔެކިޔުންތަކާއެކު ފައިލްކުރަންވާނެއެވެ."
- ކޮންމެ ކޯޓަކުންވެސް މައްސަލައެއްގައި ޙުކުމްކުރުމާއެކު އެ ޙުކުމް އިއްވާ ދުވަހު ޝަރީޢަތް ނިމުނު ގޮތް (ޖަޖްމެންޓް) އާންމުކުރަންވާނެއެވެ. އެގޮތުން ވެބްސައިޓް ހުންނަ ކޯޓުތަކުން، ފަނޑިޔާރުން ސޮއިކޮށްފައިވާ ޖަޖްމެންޓުގެ ޕީޑީއެފް ކޮޕީއެއް ވެބްސައިޓްގައި ޝާއިޢުކުރަންވާނެއެވެ.
- [ކޮންމެ ކޯޓަކުންވެސް މައްސަލައިގެ ޙުކުމްކުރުމަށްފަހު، ރަސްމީ 14 (ސާދަ) ދުވަހުގެ ތެރޭގައި އެ މައްސަލައިގެ ޝަރީޢަތް ނިމުނުގޮތުގެ ރިޕޯޓު (ޖަޖްމެންޓް އާއި މަޙްޟަރު ބަޔާންތައް އަދި މައްސަލައިގައި ހިމެނޭ އެންމެހައި ލިޔުންތަކާއެކު) ތައްޔާރުކުރަންވާނެއެވެ. އެގޮތަށް ތައްޔާރުކުރެވޭ ޝަރީޢަތް ނިމުނުގޮތުގެ ރިޕޯޓު ތައްޔާރުކުރުމުގައި ހިމަނަންވާނީ އެ މައްސަލައިގެ ޙުކުމް ކަނޑައަޅައި އިއްވި ދުވަހު ފަނޑިޔާރު ނުވަތަ ފަނޑިޔާރުން ސޮއިކުރި އަދި އެދުވަހު މައްސަލައިގެ ޚަޞްމުންނާ ޙަވާލުކުރެވުނު ޖަޖްމެންޓެވެ.]2ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޫބަރު 2021ގައި ނަންބަރު އިޞްލާޙުކޮށްފައި. އޭގެ ކުރިން މި ނަންބަރުގައިވަނީ އަންނަނިވިހެންނެވެ: "ކޮންމެ ކޯޓަކުންވެސް މައްސަލައިގެ ޙުކުމްކުރުމަށް ފަހު، ދިވެހިރާއްޖޭގެ ކޯޓުތަކުގެ ޤާނޫނުގައި ކަނޑައަޅާފައިވާ މުއްދަތުގެ ތެރޭގައި އެ މައްސަލައިގެ ޝަރީޢަތް ނިމުނުގޮތުގެ ރިޕޯޓު (ޖަޖްމަންޓްއާއި ލިޔުންތަކާއެކު) ތައްޔާރުކުރަންވާނެއެވެ. އެގޮތުން ތައްޔާރުކުރެވޭ ޝަރީޢަތް ނިމުނުގޮތުގެ ރިޕޯޓު ތައްޔާރުކުރުމުގައި ހިމަނަންވާނީ އެމައްސަލައިގެ ޙުކުމް ކަނޑައަޅައި އިއްވި ދުވަހު ފަނޑިޔާރު ނުވަތަ ފަނޑިޔާރުން ސޮއިކުރި އަދި އެދުވަހު މައްސަލައިގެ ޚަޞްމުންނާ ޙަވާލުކުރެވުނު ޖަޖްމެންޓެވެ."
- މައްސަލައިގެ ޙުކުމްކުރި ދުވަހު ދޫކުރި ޖަޖްމެންޓުގައި އަތުކުށެއް ނުވަތަ ހިސާބު ހެދުމުގެ ކުށެއް ނުވަތަ ހިސާބު އަދަދެއް ނުވަތަ ތާރީޚެއް ނުވަތަ މީހެއްގެ ކާކުކަން އަންގައިދޭ މައުލޫމާތެއްގައި ކުށެއް ލިޔެވިފައިވާނަމަ، ނުވަތަ އޮޅިގެން ވެއްޓިފައިވާ އަކުރެއް ނުވަތަ ބަހެއް އިޞްލާޙުކުރަންވާނީ އެ މައްސަލައިގައި ހިމެނޭ ހުރިހާ ޚަޞްމުން ނުވަތަ އެފަރާތްތަކުގެ ވަކީލުން ހާޒިރުވެ ތިބި މަޖިލީހެއްގައެވެ. އަދި އެ އިޞްލާޙުގެ ރެކޯޑު މައްސަލައިގެ ފައިލުގައި ނޯޓުކުރަންވާނެއެވެ. އަދި ކުށްފިލުވުނު ޖަޖްމެންޓުގެ ކޮޕީއެއް އެ އިޞްލާޙުގެނެވިފައިވާކަން ބަޔާންކޮށް އެނގޭނޭ ގޮތަކަށް ނޯޓެއް ލިޔުމަށްފަހު ވެބްސައިޓުގައި ޝާއިޢުކުރަންވާނެއެވެ.
- މައްސަލައިގެ ޙުކުމްކުރި ދުވަހު ދޫކުރި ޖަޖްމެންޓުގައި އަތުކުށެއް ނުވަތަ ހިސާބު ހެދުމުގެ ކުށެއް ނުވަތަ ހިސާބު އަދަދެއް ނުވަތަ ތާރީޚެއް ނުވަތަ މީހެއްގެ ކާކުކަން އަންގައިދޭ މައުލޫމާތެއްގައި ކުށެއް ލިޔެވިފައިވާނަމަ، ނުވަތަ އޮޅިގެން ވެއްޓިފައިވާ އަކުރެއް ނުވަތަ ބަހެއް އިޞްލާޙުކުރުން ފިޔަވައި އެހެން ބަދަލެއް އެ ޖަޖްމެންޓަށް ގެނެސްގެންނުވާނެއެވެ.
- މައްސަލައަކާ ގުޅިގެން ފަނޑިޔާރަކު ސޮއިކުރަންޖެހޭ ނިންމުންތަކާއި އަމުރުތަކުގައި ދުވަހުން ދުވަހަށް ސޮއިކުރަންވާނެއެވެ.
- [މި ޕްރެކްޓިސް ޑައިރެކްޝަންގެ 3 ވަނަ ނަންބަރުގައި އެހެން ބަޔާންކޮށްފައިވީނަމަވެސް، މައްސަލައިގައި ހިމެނޭ ފަރާތަކުން ޝަރީޢަތް ނިމުނުގޮތުގެ ރިޕޯޓު (ޖަޖްމެންޓް އާއި މަޙްޝަރު ބަޔާންތައް އަދި މައްސަލައިގައި ހިމެނޭ އެންމެހައި ލިޔުންތަކާއެކު) ހޯދުމަށް އެދިއްޖެނަމަ، އެ ރިޕޯޓަށް އެދުނު ދުވަހުން ފެށިގެން ގިނަވެގެން ރަސްމީ 10 (ދިހައެއް) ދުވަހުގެ ތެރޭގައި އެކަމަށް އެދުނު ފަރާތަށް އެ ރިޕޯޓު ދޫކުރަންވާނެއެވެ.]3ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޯބަރު 2021 ގައި އިތުރުކޮށްފައި
- ["ޝަރީޢަތް ނިމުނު ގޮތް" (ޖަޖްމެންޓް) އާއެކު އިސްތިއުނާފުކުރުމަށް އެދި ހުށަހަޅައިފިނަމަ އެ މައްސަލައެއް ބަލައިގަތުމާމެދު ގޮތެއް ނިންމަންވާނެއެވެ. މިގޮތުން ހުށަހެޅޭ މައްސަލައެއް ބަލައިގަތުމަށް ނިންމައިފިނަމަ، އެކަން އަންގާ ދުވަހުން ފެށިގެން ރަސްމީ 10 (ދިހައެއް) ދުވަހުގެ ތެރޭގައި ޝަރީޢަތް ނިމުނުގޮތުގެ ރިޕޯޓު ހުށަހަޅަންވާނެއެވެ. އަދި އިސްތިއުނާފުކުރެވިފައިވާ މައްސަލައިގެ ޝަރީޢަތް ނިމުނުގޮތުގެ ރިޕޯޓު ތައްޔާރުވެފައި ނުވާ ޙާލަތުގައި ފިޔަވައި، މި މުއްދަތުގެ ތެރޭގައި ޝަރީޢަތް ނިމުނުގޮތުގެ ރިޕޯޓު ހުށަހަޅާފައިނުވާނަމަ އެ މައްސަލައެއް އިސްތިއުނާފުކުރުމަށް ދީފައިވާ ހުއްދަ ބާޠިލުކުރެވޭނެއެވެ.]4ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޯބަރު 2021 ގައި އިތުރުކޮށްފައި
05 ޖުމާދަލްއާޚިރާ 1442
18 ޖަނަވަރީ 2021
އަޙްމަދު މުޢުތަޞިމް ޢަދުނާން
ދިވެހިރާއްޖޭގެ އުއްތަމަ ފަނޑިޔާރު
ޝަރުޢީ ކޯޓުތައް
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން
ފުޓްނޯޓްސް
- 1ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޫބަރު 2021ގައި އިޞްލާޙުކޮށްފައި. އޭގެ ކުރިން މި ނަންބަރުގައިވަނީ އަންނަނިވިހެންނެވެ: "21 މާރިޗު 2010 ގައި ސުޕްރީމް ކޯޓުން ނެރެފައިވާ ނަންބަރު 2010/4 ޢާއްމު ސިޓީގައިވާ ފަދައިން، ކޮންމެ ކޯޓަކުންވެސް ބަލައި ނިންމާ މައްސަލައެއްގައި ޙުކުމް އިއްވާ ދުވަހު، އެ މައްސަލައިގެ ޙުކުމަށް ވާސިލުވި ސަބަބާއި ޙުކުމް ހިމެނޭ ގޮތަށް ތައްޔާރުކޮށްފައިވާ "ޝަރީޢަތް ނިމުނު ގޮތް" (ޖަޖްމެންޓް) ގެ އަޞްލެއް އެ މައްސަލަ ބެލި ފަނޑިޔާރު ނުވަތަ ފަނޑިޔާރުންގެ ސޮޔާއެކު، އެ މައްސަލައިގައި ހިމެނޭ ކޮންމެ ފަރާތަކަށްވެސް ޙަވާލުކުރަންވާނެއެވެ. އަދި ޖަޖްމެންޓުގެ އަޞްލެއް ހަމަ އެދުވަހު މައްސަލައިގެ ލިޔެކިޔުންތަކާއެކު ފައިލްކުރަންވާނެއެވެ."
- 2ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޫބަރު 2021ގައި ނަންބަރު އިޞްލާޙުކޮށްފައި. އޭގެ ކުރިން މި ނަންބަރުގައިވަނީ އަންނަނިވިހެންނެވެ: "ކޮންމެ ކޯޓަކުންވެސް މައްސަލައިގެ ޙުކުމްކުރުމަށް ފަހު، ދިވެހިރާއްޖޭގެ ކޯޓުތަކުގެ ޤާނޫނުގައި ކަނޑައަޅާފައިވާ މުއްދަތުގެ ތެރޭގައި އެ މައްސަލައިގެ ޝަރީޢަތް ނިމުނުގޮތުގެ ރިޕޯޓު (ޖަޖްމަންޓްއާއި ލިޔުންތަކާއެކު) ތައްޔާރުކުރަންވާނެއެވެ. އެގޮތުން ތައްޔާރުކުރެވޭ ޝަރީޢަތް ނިމުނުގޮތުގެ ރިޕޯޓު ތައްޔާރުކުރުމުގައި ހިމަނަންވާނީ އެމައްސަލައިގެ ޙުކުމް ކަނޑައަޅައި އިއްވި ދުވަހު ފަނޑިޔާރު ނުވަތަ ފަނޑިޔާރުން ސޮއިކުރި އަދި އެދުވަހު މައްސަލައިގެ ޚަޞްމުންނާ ޙަވާލުކުރެވުނު ޖަޖްމެންޓެވެ."
- 3ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޯބަރު 2021 ގައި އިތުރުކޮށްފައި
- 4ނަންބަރުSCPD-10/2021 ޕްރެކްޓިސް ޑައިރެކްޝަނުން 06 އޮކްޓޯބަރު 2021 ގައި އިތުރުކޮށްފައި