ދިވެހިރާއްޖޭގެ ސުޕްރީމް ކޯޓު
މާލެ، ދިވެހިރާއްޖެ
ކޯޓުން މައްސަލަ އަލުން ބެލުމަށްޓަކައި ދިވެހިރާއްޖޭގެ ހައިކޯޓުން ތަޙުވީލުކުރާ މަދަނީ މައްސަލަތަކުގެ ތެރެއިން އިސްތިއުނާފަށް ހުށަހަޅާ މައްސަލަތަކާ ގުޅޭ
ޤާނޫނު ނަންބަރު 22/2010 (ދިވެހިރާއްޖޭގެ ކޯޓުތަކުގެ ޤާނޫނު) ގެ 46 ވަނަ މާއްދާގެ (ށ) ގެ ދަށުން ދިވެހިރާއްޖޭގެ ހައިކޯޓުން ދަށު ކޯޓަށް ތަޙުވީލުކުރާ މަދަނީ މައްސަލައެއް އިސްތިއުނާފު ކުރެވިއްޖެނަމަ، އެ މައްސަލައެއް ތަޙުވީލުކުރެވުނު ކޯޓުން ޢަމަލުކުރާނީ ތިރީގައިމިވާ ގޮތަށެވެ.
- (ހ) އެ މައްސަލައެއްގައި ދިވެހިރާއްޖޭގެ ސުޕްރީމް ކޯޓުން ގޮތެއް ކަނޑައަޅަންދެން އެ މައްސަލައިގެ ޝަރީޢަތް ކުރިއަށް ގެންދިއުން ވަގުތީ ގޮތުން ހުއްޓައިލުން.
- (ށ) ދިވެހިރާއްޖޭގެ ސުޕްރީމް ކޯޓުން އަންގަންދެން އެފަދަ މައްސަލައެއް، ކޯޓުގެ ޤަޟިއްޔާތަކުގެ ދަފްތަރުން އުނިނުކޮށް ބޭއްވުން.
- (ނ) މިގޮތަށް ހުއްޓައިލެވިފައިވާ މައްސަލައެއްގައި ތަޙުވީލުކުރަން ދިވެހިރާއްޖޭގެ ހައިކޯޓުން ކޮށްފައިވާ ޙުކުމް، ދިވެހިރާއްޖޭގެ ސުޕްރީމް ކޯޓުން ބަދަލުކޮށްފިނަމަ ނުވަތަ ދަމަހައްޓައިފިނަމަ، އެ މައްސަލައިގައި ދިވެހިރާއްޖޭގެ ސުޕްރީމް ކޯޓުން ކުރާ ޙުކުމާ އެއްގޮތަށް ޢަމަލުކުރުން.
10 ޞަފަރު 1443
06 ސެޕްޓެމްބަރު 2022
އަޙްމަދު މުޢުތަޞިމް ޢަދުނާން
ދިވެހިރާއްޖޭގެ އުއްތަމަ ފަނޑިޔާރު
ޝަރުޢީ ކޯޓުތައް
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން
