ދިވެހިރާއްޖޭގެ ސުޕްރީމް ކޯޓު
މާލެ، ދިވެހިރާއްޖެ
ޖިނާއީ މައްސަލަތަކާގުޅޭ އަމުރުތަކާއި، ޙުކުމްތަކުގައި ތަޙުޤީޤު އިދާރާތަކުން މައްސަލައަށް ދީފައިވާ ނަންބަރު ހިމެނުމާއި ގުޅޭ
ޖިނާއީ މައްސަލަތަކާ ގުޅިގެން ހެކިބަސް ނެގުމަށާއި، އެނޫން ބޭނުންތަކަށް ތަޙުޤީޤީ އިދާރާތަކުގެ މުވައްޒަފުން ކޯޓަށް ޙާޟިރުކުރުމަށް ފޮނުވާ ލިޔުންތަކުގައްޔާއި ޝަރީޢަތް ނިމުނުގޮތުގައި އަދި މިނޫންވެސް ކޯޓުތަކުން ތަޙުޤީޤު އިދާރާތަކަށް ފޮނުވާ ލިޔުންތަކުގައި، ކޯޓުތަކުން މައްސަލައަށް ދީފައިވާ ޤަޟިއްޔާ ނަންބަރު އެކަނި އޮތުމުގެ ސަބަބުން، އެ މައްސަލައާގުޅޭ ހާދިސާ ވަކިކުރުމުގައި ތަޙުޤީޤު އިދާރާތަކަށް ދަތިތަކެއް ކުރިމަތިވަމުންދާތީ، ޖިނާއީ މައްސަލަތަކުގައި ނެރޭ ކޯޓު އަމުރުތަކާއި ކުރާ ޙުކުމްތަކާއި ތަޙުޤީޤު އިދާރާތަކަށް ފޮނުވާ އެންމެހައި ލިޔުންތަކުގައި، އެ މައްސަލައާ ގުޅޭ އެލް.ސީ (LC) ނަންބަރު ނުވަތަ ތަޙުޤީޤު އިދާރާއިން އެ މައްސަލައަށް ދީފައިވާ ޚާއްޞަ ނަންބަރު ހިމެނުމަށް ދެންނެވީމެވެ.
13 ރަބީޢުލްއައްވަލް 1444
09 އޮކްޓޫބަރު 2022
އަޙްމަދު މުޢުތަޞިމް ޢަދުނާން
ދިވެހިރާއްޖޭގެ އުއްތަމަ ފަނޑިޔާރު
ޝަރުޢީ ކޯޓުތައް
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން
